منصور
طبري
انه
ديل
قولاق
قویونگ قارداشلار اویلانینگ بو سؤزلره
تورکمن دیلی قالیپ دوور یاش دولسون بو گؤزلره
تأزه تأزه سؤزلری آیری دیلدن قوشدیلار
تورکمن دیلین کیچلدیب اوز دیلیندن گچدیلر
شاهیر دییپ قوشدوق بیز قوشغی لاری یورکدن
اما اونونگ گویجی یوق بیرجه دوگوم چورکدن
اوگرتملی یاشلارا انه آتا اؤیونده
یؤریتمک لیک بو دیلی شاهیر لاریینگ بوینوندا
آتی قالدی چاپغی دا سازی قالدی تویلاردا
قالماسین تورکمن دیلی چؤلده قالان اؤیلرده
بیر ایکی نی بیلمه سه یک دو دییپ سانایار
اؤز دیلیندن ال چکیپ آیری دیله یانایار
انه سینه مامانی دیر پاپانگ چاغاسی
اجکه سی عمه دیر عمو بولدی آغاسی
دایزاسی دا قالمادی اوز پاینیگ ایزیندان
دایزاسی خاله بولدی آرتدیریپ دیر پوزوندان
ساللانچاغا تاب دییپ سوو یرینه آب ایچیار
بیر قاپی یاپیق بولسا باز ادرین دییپ آچیار
میوه لر قاچدی دیلدن باغ و بوستان دیلینگدن
ارمیت بولدی گلابی دیلینگ گیتدی الینگدن
ماه آیدان آوادان آفتاب گوندن یاغتی راق
صندلی گیرسه دیله اوتورغیچ دان باغتلی راق
تورکمن قیز گلین بولسا عروس بولدی دییدیلر
هوروز دیلدن قاچاندا خروس بولدی دییدیلر
آیاسینا کف دییپ قوشارینا مچ دییار
اوگجه سی ده پاشنه دیر یوق یرینه نچ دییار
تورکمن قیزلار ییگیت لار پارسچا گورلاب قووانیار
پارس دیلینی اولالدیپ اؤز دیلیندن اوتانیار
پارسینگ دیلی میللی دیل سؤزلمگی سوویجی دیر
انه دیلین اونوتماق تورکمن دیله ایجی دیر
سرحددن آشیپ گیتسنگ اوروسچا گیرر دیلینگه
تورکمن صحرانگ ایچینده پارسچا گیرر دیلینگه
پارس لار بیزه دوغان دیر آغیز آلالیق بولماسین
تورکمن دیلی نامیس دیر نامیسی میز اؤلمه سین
تورکمن سنت دأبینی حرمت بیلن ساقلایلینگ
ایلایتادا دیلینی حور اتمانی ساقلایلینگ
«تورکمن اوغلی» اوتانماز انه دیلینگ سؤزینه
انه دیلین بیلمه یأن قارا چکسین یوزینه
