چاپ

آخمات گورگنلى

مـــــــــراد و دؤنــدى

توموس آيلارىنينگ بير گونيدى. گون شعله لرينى اؤزينه دارتيپ، يواش- يواش دريا باتيپ بارياردى.
خزرينگ يوقارى يانينداقى كوميش دفأنگ اورتاسينى كسيپ گچيأن يكجه كؤچأنينگ اوغـرى بيلن باشيمى ساللاپ ايلرليگينه باريارديم. اوبانينگ آراسينا اوْموسومليك آرالاشيپدى، آدملار يانگجا اوراق- دؤوكدن گليپ، اؤيده چاى- نهار ادينيأرديلر… شول بارشيما ساغ طاراپا گيديأن يولا ساويلديم. يانگـى بير اللى- آلتميش آرديم آرديپ، حاجى قايش ديـين سؤديگأرينگ سالديران متجيدىنينگ دنگيندن گچيپ باريارديم. بيردن قـولاغـيما ياش اوغـلانينگ: «سويـتـده بيشدى، كوفـيـكــده يالاندى، ساغ اتديم صلوات» ديـين سـسى گلدى.
بولار « گيزلن پچكمى» يا- دا «قارآنگــى گؤرديم، پـيـرريـق مى»، نأمه اوينايارلارقا ديـيپ، سـسينگ گلن طاراپـينا قارشى يوزلنديم. باريپ گؤرسم، دؤرت سانى اون- اون ايكى ياشلى اوغـلان بولارينگ اوچوسى تـاريـپـدا(پـلـّه خانه) اويشوپ اوتير، بير آق يوزلى، آلا گؤزلى، اينچه بويلى اوغـلان بولسا آياق اوستونده دوور. بو اوغـلان يكه- يكه يولداشلارىنينگ آدينى توتوپ:
– سن قايراق، سن آشاق، سن- ده يوقاريق گيت!– ديـيپ، اؤزى- ده ايلريك گيتدى….
اول بارشينا، بيردن بير قارا گؤريپ، « پـيـرريـق» ديـدى. يئـنه بير قـارآ ياقـينلاشدى- دا:
– كيمسينگ؟– ديدى.
– من- أ دؤنــدى، سن كيم؟
اوغـلان سارى ياغـيز، ماوى گؤزلى، اينچه بويلى، باشى قـوپـبالى قيزجاغازا دررو جـوغاپ قايتاردى:
– مــراد!
– بولار بير- بيرىنينگ يوزلرينه بيرآز يـيلـغيرشيپ، سراديشيپ، ايكيجيگـى- ده تيركه شيپ، تارپا قارشى قايـتديلار.
اولار بيرآزدان تـارپه گلديلر. طارپدا ايكيسى بيرنمه بير- بيرينه باقـپ، سســسيزجه دورانلاريندان سونگرا، اوغـلان قـيزا قاراپ:
– بولارا حأضير گلجك دأللر. گل، اونگا چنلى قاوالاشــمالىجا اوينايلى– ديدى.
– بوليار، گل اوينايلى ديدى. اؤنگ من قاچجاق!– ديـيپ، چؤپ- چؤردن اويشورگيلى تارپـيـنگ داشينا آيلانيپ، قيز قاچماغا باشلادى. اوغـلان هم اونى توتجاق بولوپ قاوالاپ اوغـرادى. قيز- اوغلان ايكيسى يــُونگسوز واقت قاولاشديلار، گؤيه اولارينگ اوينونا هيچ بير زات پأسگل بريپ بيلمجك ياليدى. بولارينگ حركتلرينه، ايلايتا- دا اوغلانينگ يــورتــوشيــنا سينگه سـيـن ادن آدم، اونــونگ كــيـفىنينگ قارشا- قارشا اويتگأپ، كأته شاد، كأته غمگين گؤرنوشينه گچيأنديگينى آيدينگ دويوپ بيلجكدى.
اولارا بير- بيرينه حالايار ديـيپ بولماز، اما نأمه- ده بولسا اوغـلانينگ حركتلرينه سـيـن ادن آدم، اولارينگ ياشينى انتك آز گؤرايمسه: « حاى، بولسا- دا اوغـلانا قـيـزجاغازى حالايار» ديـيپ فكر اتجگينه هيچ حيلى گمان يوقدى. اوغـلان قيزينگ شادليغى بيلن شادلانيپ، غمگين حالينا غم بولياردى. اويناپ يؤريشلرينه اوغـلانينگ داشيندا كبه لك يالى پـــرلانياردى، كأته- كأته هم اونونگ گؤزى قيزينگ اؤزينه چكيجى گؤزلرينه ساتاشيپ، بير ساليم گؤزونى قيپمان دورياردى.
بير ساليمدان اولارينگ بئـيله كى يولداشلارى- دا دوملى- دوشدان يــُورتوشيپ گلديلر. بيرآز دم آلانلاريندان سونگ، «ايندى بيزينگ گيتملى گزه گيميز» ديـيپ، اوغـلارينگ هر حايسى بيريآنا پــيـتراجاق بولوپ دوورقالار، جارچىنينگ سـسى اشديلدى:
– حاى، اوبانينگ تؤه رگينى قالتامان آليپدير، حاو! الى تاياق توتان چـوزمالى، حاو!…
*******************
يوقارداقـى واقعادان بأش-آلتى يئل گچيپدى. شو آرادا هر يئلينگ آى- آيدينگ گيجه لرى مراد بيلن دؤندينى كأته اوبانينگ آراسيندا توپار- توپار بولوپ لأله قاقيان قيزلارينگ يانيندا گؤريأرديم، كأته- ده دوزيلن پشمكلر چــراتان گتيريأركألر گؤريأرديم…
1924- نجى يئلينگ تومسونينگ اورتاقـى آيىنينگ بير گونيدى. بئـيله كى گونلر يالى اول گون هم يانيپ گچدى. گونش اؤزىنينگ ياقيپ- يانديريجى شعـله لرينى البرز داغلارىنينگ اوستوندن سيـريپ آليپ، ساريمتــيـل- قرمزى ماخمال گؤرنوشلى شافـاقـلارينى دريانگ اوستونه دوشأپدى. اوراق- دؤوكدن گلن آت-الوغـلارينگ آرقاسى آلنيپ سرگينلشديريليأردى. اولارى چــيـبـيـندان قوراماق اوچين قـازيقلارىنينگ يانيندا ياقيلان چؤپ- چؤرونگ توسسه سىنينگ آجيمتيـق ايسى بورونگا اورياردى. اوبانينگ چـترأگينده ياشايان دايخان ياشلارىنينگ بيرنأچه سى بولسا چيـبـيـن سيز ير ديـيپ، اوبانينگ اورتاراسينداقى دوكانلارينگ يانينا اؤز آت-اولوغلارينى آليپ باريارديلار.
مـراد قونگشولارى بولان آى مأمت سؤوديگأرلردن اوراغـينا ديـيپ آلان پـولينى، اكينى گلمأنسونگ، اوزه بــيلمـأندى. شونونگ دره گينه ياشايشىنينگ ديره گــى بولان يكجه آت-آلاشاسى بيلن اولارينگ اوراغينى اوروشياردى. يانگجا هم اوراقدان گليپدى. بيرآز دمينى آليپ، كؤنه جه تاملارىنينگ يانيندا يالانگاچ دوران مله آق بيلـه ك آتينگ يانينا باردى. بوينونى سيفالاپ، اونى ياغشى اشيكلـدى. اونونگ طبله ميخىنينگ يانيندا ياقـيلان چؤپ- چؤرينگ توسسه سىنينگ اوستونه يردن آلان درسينى آتدى. سونگرا آياقـلى تامينگ آشاغينا گيريپ، بير دسسه اورغانلى چايرى چيقاردى. دسسه باغينى چؤزدى- ده، آتينگ يانينداقى آخيرا ايكى الى بيلن سيلكه- لأپ دؤكدى. گؤيا بير زادى ياديندان چيقاريپ، سونگوندان يادينا دوشورن يالى، يـئـنه تامينگ آشاغينا قارشى يؤرتدى. بيرآز سونگرا الى زنجيرلى داشاريق چيقـدى. آتىنينگ يانينا باريپ، زنجيرى اونونگ آياغينا اوردى. سونگرا:
– گلينجه– ديـيپ، تامينگ قـاپـيسينى قـاقـدى. اوزين بويلى، گينگ اوموزلى، تگه لك گؤزلى، اورتا ياشان بير عيال قاپـينى آچدى:
– حأ، آتـينگـى آرقالادينگمى؟
مراد:
– آرقالاما نأمه، گلينجه. زنجيرينى اوروپ، اؤنگونه چايرينى دؤكديم– ديـيدى.
گلينجه سى آياق اوستونده دوران مراده يوزله نيپ:
– مرادجان، آىمأمت لرينگ حاقينى اوزدينگمى؟ سن اولاردان كؤپ پول آليـپمىدينگ، اوراقلارينى اورشوپ، دؤوكلرينى دؤوشيپ يؤرنينگه كؤپ ماحال-آ بولدى.
– دوغـرى حاساپ اتسه لر، حاقـينى موندان آلتى گون اؤنگ اوزدوم. اولارا بيرنأچه تومن برگيم باردى. شو گون تگه لك بير آيدير، اولارينگ حاسابينا ايشله يأنيمه. اؤنگكى قرارىميز بولسآ، آتـيم بيلن اؤزومينگ گونده ليك ايش حاقيم ايكى قران (ريال) دى. اما اول: « يئـنه اون گون ايشله ملىسينگ، چونكى شو بير آيـيـنگ ايچينده آتينگ بيلن اؤزينگ گونده ليك حارجـينى اؤزوميز چكديك، سن بيزدن ايـيپ-ايچدينگ» ديـيأر. نأمه اديلى، دعـوالاشيپ يؤرمـجك بوليارين. اؤنگ- ده اولاردان موندان آرتـيق تامام يوقـدى. اولارينگ گونى شول آخرى: بو گون بيرنينگ زادينى شــيـله حيله بيلن آلسالار، ارتير بئيـله- كيلرينگـكينى باشغا بير يول بيلن آليارلار. ضِـللى يوق گلينجه، يئنه بير اوچ- دؤرت گونيم قالدى، سونگ دينارين. بئيله زاتلار دوكانچيلار بيلن دايخانلار آراسيندا بوليان زات. اؤتن آى دوردى آقـاتـاغـان[آقـاتـاغـى بولسا گرك- آ.گ] بايدان پاميـقـليق پول آلاندا، تاغان باى اونگا نأحيلى اذيتـلر بردى؟ دوردى آقانى و عيالى گولسونى اون ايكى گونلأپ قـاوچا ايشينده مـوغـيتجاق ايشلتمه ديمى؟
– ايســِم بولسا، دوردى آقا بايرى قاضا باراندا تاغان بايى يـيقـيپـدير ديـيپ اشديپديك- ده.
– حــى- ده، شو واقـتـدا تاغان بايى دوردى آقا يـيـقيـپ بيلرمى؟ يوق، گلينجه، گوررينگ آراسيندا اؤزوم بارديم: «ييگريم دؤرت گون ايشلأپ برملى يا- دا اللى آلتى تومن برملى» ديـيـپ، قاضىنينگ اؤزى حكم اتدى. دوردى آقا- دا مجبور بولوپ ايشلأپ بردى…
سونگ مراد تامينگ بئيله كى اوطاغينا گيريپ گيتدى. بؤورده ياتان بير بؤلك كچأنينگ اوستونده توپارلانيپ قـويلان كهنــه جه يـورغانينگ آراسينى آچيپ، يارسينى دوشه ك، يارسينى اؤرتونجه اديپ، گه يملرينى هم كيچىجيك ياسسيغىنينگ آشاغينا ساليپ اوزاندى: « آخ، بيرنأچه گون بأرى شو ظاليمـلارينگ اوراق- دؤوه گـى بيلن باشيما غـاى بولوپ، دؤندى هم گؤره بيلمأن يؤرين…»

آق بيله گينگ اوغـورلانشى
شول گيجأنينگ ارته سى هوا اؤرأن صاف بولدى. گؤگينگ (آسمانينگ) يوزيندن دانگ يـيلديزيندان باشغا هيچ بير زات يوقدى. اوبانينگ يوقارى طاراپى دانگليق بيلن قيزاريپ، جهانينگ يوزى آچيلماغا باشلاپدى. اوراق اورماغا باريان اوراقچيلارينگ آتىنينگ كأته- كأته كينگشه مسى، اوبا آراسىنينگ اومسومليگينى بوزيار ديـيايماسانگ، باشغا زادينگ سـسى يوقدى. مراد هميشه كى عاداتينا گؤرأ، اوقـودان اويانياندان، حاسير- حوسور توروپ، ياسسيغىنينگ آشاغيندان گه يملرينى چيقاريپ اگنينه آلدى. بئيله كى قاپـينى آچيپ: «گلينجه، گلينجه!» ديـيـپ، گلينجه سينى اويانديردى.
– آى، گلينجه، اؤتن آغشام يامان بير دويش گؤردوم.
– يؤرى، پيغمبر يورغـودى بولسون– ديـيپ، گلينجه سى يورغاندان كله سينى چيقاريپ، دينگله مأگه حأضيرلندى. مراد سؤزه باشلادى:
– بير قيش گونىميكأ ديـيپ ياتيرين. بير توپار اوغلان بولوپ، دوزه پشمك يـيغناماغا گيديأريس. پشمك يـيغيپ، اويشوپ اوُد ياقياريس. اودونگ تؤوه رگينى آليپ اوتيرقاق، اگنيمدأكى چأكمنجيگيمه اوُد دوشيأر. سؤندورجك بولساق- دا، سوندوريپ بيله ميزوق. انداميما زات بولانوق، يؤنه چأكمنجيگيم يانيار.
– مراد جان، اؤرأن ياغشى دويش گؤريپسينگ. شو دويشى كأشكى من گؤرسمـديم! كؤنه لر آيديـپـدير: « دوقـما– يول، چؤرك– آدم يوزى، قـان– قـازانچ، اوُد هم اوراز[مقدس]» ديـيپ…
بو سؤزى اشيدن مرادينگ يوزيندأكى غمگين ليق آيريليپ، يرينه شادليق گلدى. سونگ اول قالبـيرينگ ايچيندأكى تـُوربانى آليپ، چـوالداقى آرپادان بأش قاشاويچ توربا قـويدى- دا، الى توربالى داشارى چيقدى.
اووقا قاريشيپ، باشينى آشاق ساليپ، آتينگ آخرينا باردى. گؤرسه آت يوق. « گؤره ن دويشيم دوغـرى بولدى، آق بيلك اوغورلانيـپدير» ديـيپ يره اگيلدى- ده، زنجير بؤلكلرينى آليپ، تاما يورتدى. باريپ اليندأكى زنجيرى گلينجه سىنينگ اؤنگونه آتدى:
– حاوا، اوُد اورازميشديق، آق بيلك هم اوغورلانيپ ميشديق. حاى، آتــجاغازيم اليمدن گيتدى…
مراد گؤزيندن بير- ايكى دامجا ياش آقديريپ، دوران يرينده آشاق اوتوردى. گلينجه سى و يورغاندا ياتان اورتا ياشان آقاسى سيچراپ قاليپ، داشارى چيقديلار. آق بيله گـى ياتاغيندا گؤرمأن، «آق بيله گـى اوغـورلاپديرلار» ديـيپ، غايغى- غاملى حالده يـنه- ده ايچريك گيرديلر. مراد بولسا، شول اوتورشوندان بير- ده قـوزغانمان، بوينونى ساللاپ اوتيردى. آقاسى مراده قاراپ:
– مراد جان، قايغى اتمه، بار جار چكدير. اونى آتاباى قالتامانلاريندان باشغا هيچ كيم اوغورلان دألدير– ديـيپ، مرادينگ الينه ايكى قرانى(ريالى) بريپ، دوردى جارچيلارا قارشى اوغراتدى. مراد اؤيلرىنينگ اؤنگ يانينداقى يول بيلن ايلرى طاراپه گيتدى. باريان يريندان بير- ده باشينى قالديرمان، يولدا بير-ايكى يولا بودرأپ، بير كيچيجيك اؤيونگ يانيندا آياپ چكدى. داشاردان:
– دايزا، دوردى آقا اؤيده مى؟– ديـيـپ قيغيردى. ايچردن ياشولوراق بير آدامينگ بــُوغـوغـرآغا- دا « گليبر» ديـين سسينى اشيديپ، قـاپى كليمينى قالديريپ، ايچرى گيردى. اوجاغينگ قايرا باشيندا اوتوران كؤسه ساقـغاللى بير آدم:
– يؤرى، مراد جان، ايرلأپسينگ- ده، نأمه خبرينگ بار؟– ديـيـدى.
– حاوا، ايرله ديم، بيزه بير جار چكيپ برملى بولجاق– ديـيپ، آقاسىنينگ برن ايكى قرانينى اونونگ اؤنگونه آتدى. دوردى جارچى:
– نأمأنينگ جارى، نأمأنگيز اوغـورلاندى؟– ديـيپ سورادى. مراد تيتره ويك سس بيلن:
– اؤتن آغشام آتيمى ياتاغيندان كسيپديرلر، شونونگ اوچين گلديم– ديـدى.
– حاى، ظــاليملار، سنينگ آتينگ هم كسمأگه زار آدملار بار-او!– ديـيپ، يوقاريق قالدى. تاياغينى الينه آليپ:
– بـووشليغينا نأمه ديـمه لى؟– ديـيپ سورادى. مراد باشينى ساللاپ بيرآز دينگيرگأندن سونگرا:
– بووشليغى باش تومن پـول بيلن بير چأكمن– ديـدى.
دوردى جارچى هم:
– اوندا بوليار– ديـيپ، كؤچأ قارشى اوغـرادى. مراد- دا اؤز اؤيلرينه قارشى قايتدى. اول يولدا هيچ كيم بيلن گپلشمأن، پريشان حال بيلن اؤيلرينه گلدى. يئـنه- ده شول اؤز اوطاغيندا يـيغنانيلماديق دوشه گينگ اوستونه اوزاندى….
گون قـوشلوق واقـتيندان بيرآز گچيپدى. دوردى جارچى كؤچأنينگ قايرا يوزيندن گيريپ، اللى-آلتميش أديك أديپ، تاياغينى يره ديرأندن سونگرا:
– آى، حالق، حاى، قولاق قـويونگ، حاو! حاى، آشير دايخانينگ اوغلى مرادينگ آق بيلك آتينى اؤتن آغشام اوغورلاپديرلار، حاو! شونونگ اوغورسينى بيلن آدمينگ بأش تومن پولى بيلن بير چأكمنى بار، حاو!… – ديـيپ، قـيغيريپ اوغـرادى.
اونونگ تؤوره گينه اويشن آدملار: «آتاباى قالتامانلارينگ ايشيدير» ديـيأرديلر.
دوردى جارچى بولسا يولونى دوام اديپ، هر يتميش- سگسن أديمدن بير قيغيريپ بارياردى. اوبانى ايكأ بؤلوپ گچيپ، دريا قـويـيان آرنانينگ كؤپورسيندن اؤتوپ، دوردى جارچى تاغان- ينگ دوكانىنينگ يانيندا يئـنه- ده بير گزك اؤنگكى اصولده قيغيردى. جارچىنينگ سسينى اشيديپ، بير توپار آدم اونونگ تؤوره گينى آليپ دوردى.
– من اوغـروسينى بيليأرين– ديـيـپ، اورتا بويلى، قزيل منگيز، اوزين قارا قولپاقـلى، بوينى ياغـليقـلى، الى گرگنكلى بير ياش چوپان آدملارينگ آراسينى ياريپ، جارچىنينگ يانينا گلدى. جارچى:
– سن آنيغينى بيليأرمينگ، گؤزينگ بيلن گؤردينگمى؟– ديـيـپ، اونى مرادينگ يانينا آليپ قايتدى.
اولار بيرآز وقتـدان مرادلارينگ تامينا گلسه لر، مراد اؤز اوطاغيندا يوزى ساليق غاملى ياتيردى.
– مراد جان تور– ديـيپ، دوردى جارچى الى بيلن ايرالاپ، يانگجا اووقـلان مرادى اويانديردى. مراد گؤزلرينى آوقالاپ، ياتان يريندن قاليپ، چؤكه دوشوپ اوتوردى- دا:
– دوردى آقا نأتدينگ؟– ديـيدى. دوردى جارچى:
– بو چوپان: « من بيليأرين آتينگ اوغـروسينى» ديـيأر– ديـيپ، چوپانى گؤركزدى. مراد چوپانه:
– سن نأحيلى بيليأنگ، گؤزينگ بيلن گؤردينگمى– ديـيدى.
– من اؤتن آغشام آى ياشاندان سونگ، آلتين توقماق- ينگ يانيندا باقيپ يؤرن قـويونيمى يولداشيما تابشيريپ، چاى- شكر آلايـين ديـيپ كوميش دفـأ بازارا قايتديم. دانگ آغاريپ، جهان يايلاندان سونگ كوممت قاويزينگ يولى بيلن گليأركأم، ايكى سانى ياراغلى آدم، بيرى أيــرلى آت مونيپ، يانينداقى بولسا آق بيله گـى آليپ، ساغـريسى بـيـيك بير آتى مونيپ، منينگ يوزيمه ايمنجى- ايمنجى باقيپ، آتلارى غـورغونلاديپ، صحنه سـوقــى اوباسينا طاراپ گيتديلر.
چوپانينگ بو سوزلريندن سونگ مراد اولودان دمينى آليپ:
– اؤز گومانيم هم شئـيله دى– ديـيدى. – يؤر، اول اوطاغا باريپ، چاى ايچه يلينگ.
سماورينگ اوستونده دملگـى دوران دكمجدن(چأينكدن) مراد اولارا چاى قويبريپ، ساچاقـداقى چؤركدن حؤدور اتدى. اولار كشميش بيلن چاى ايچديلر. مراد:
– ساغ بول، دوردى آقا، ايندى سانگا روغصاتدير– ديـيـپ، جارچينى اؤيونه اوغراتدى. اؤيده چوپان بيلن اؤزى قاليپ، گوررينگـى قايتادان باشلاديلار. چوپان مراده:
– بو ايشلر صحنه سوقـى قالتامانلارىنينگ ايشيدير– ديـيدى.
– اى، دوست، « غاريپ يانار حارامىنينگ اوُدونا» ديـين يالى، قالينگ بايـينگ حرامدان- حالالدان يـيغنان ماللارينا دگمأن، من پاخيرينگ بوتين ماشغالاسينى شونونگ ساياسى بيلن اكلأپ اوتوران آتجاغازيمى أكيتديلر. بولاردا هيچ انصاف يوق. يوغسا- دا سن حــُـول گون بيزينگ جافاربايلاريميزينگ قالتامانلاريندان قــوانچ- ينگ اؤزىنينگ اون-اون بأش آتليسى بيلن گيديپ، سنگر سواتـينگ يانيندا بأش-آلتى دويأنى اوتلاديپ يؤرن يانگـى يتيشن بير جاهيل اوغلانى اؤلدوريپ، دويه لرينى گتيريپ ساتدى، پوللارينى آتالاريندان قالان يالى اديپ پايلاشانلارينى اشيتمه دينگمى؟
– اول آيدانينگ دوغـرى، من يكه آتاباى قالتامانلارينى ديه موق، اؤز جافارباى قالتامانلاريميز هم دك دأل. اونسونگ- دا ايران حكومتىنينگ پـوللارينا ساتـيليپ، ايرانينگ بيزينگ شو اولكأميزى الينه آلماق اوچين توركمنلرينگ گويجونى قاوشاتجاق بولوپ، آتابايى جافاربايا، جافاربايى آتابايا ياغى اديپ قـويـيان حيله سىنينگ طاراپـينى توتيانى هم گونأله يأرين. كوممت قاويزى اؤزلرينه آليپ، سؤودا مركزى اتجك بوليان هر ايكى اروغـينگ(تيره- طايفه) سؤوديگأرلرينى- ده اولارينگ همه سينه شريغات يولى بيلن آتاباينگ جافارباينگ، جافارباينگ آتاباينگ مالينى تالاپ آلماسينى حلال اديپ، فتوا بريأن، بيز يالى غاريـپلارينگ گؤزياشىنينگ آقماسينا سبأپ بوليان بير توپار قاضىلارى- دا گونأله يأرين…
بولارينگ گوررينگـى اوزاغا چكدى. آخردا مراد:
– من بووشليغينگ اوچين سانگا نأمه بره يين؟ سن منى قاتى بگنديردينگ– ديـيپ، آقاسىنينگ يانينا اوغـراجاق بولاندا، چوپان:
– جانينگ ساغ بولسون، مـراد دوست، مانگا زات گرك دأل. مانگا سنينگ بيلن تانيش بولانيم بس– ديـيـپ، مرادينگ سينيندان توتوپ اوتوردى.– ايندى مانگا روغصات بر، من گيده يـين.
مـراد هم:
– بوليار اوندا، ساغ بول، سنينگ بو دوستليغينگـى ياديمدان چيقارمارين– ديـيپ، اونى يولا سالدى.
شول گون آغشامى مراد قايغى- غمدان يانگا اونگلى ياتـيـپ بيلمدى. ارته سى يريندن توروپ، بير- ايكى كأسه چاى ايچيپ، قولتوغينا بير دؤويم چؤره ك ساليپ، آقاسى و گلينجه سى بيلن حوشلاشيپ، نير ده سينگ صحنه سـوقـى اوباسى ديـيپ، يولا دوشدى. اول پـياداجا، كأ يؤرأپ، كأ دينچ آليپ، ايل ياتان سونگ بير اوبانينگ اوجوندان گيردى. بو اوبانينگ اؤيلرى بير توپار توركمن اؤيى(آغاچ اؤيى) بولوپ، اؤيلرينگ اؤنگونده جنگل آغاجيندان بجريلن تلأرلر باردى. مراد كيچيجيك بير قارا اؤيونگ قاپى كليمينى قالديريپ:
– گيچ ياغشى!– ديـيپ، ايچريك گيردى.
– گلن ياغشى– دييپ، ايك اگريپ اوتوران باشى آق ياغليقـلى قاررى ماما يوقاريق قاليپ، گچر يالى ير گؤركزدى.
مراد كيچيجيك اوجاغينگ سول طاراپـيندا اوتوردى. قاررى ماما بؤورده دوران تونگچه سينى آليپ، اوجاغا قـويدى. تونگچه قاينادى. ماما ايچى چؤره كليجه ساچاغينى مرادينگ اؤنگونه يازدى. صانديغيندان چيقاريپ آستراباتدا ياسالان تانگسيق كأسه سينه چاى قـويوپ:
– آل، بالام!– ديـيپ، مرادينگ اؤنگونده قويدى. يآداپ گلن مراد اووقا مه يللى بولوپ اوتورسا- دا، قــويليپ بريلن چايى ايچملى بولدى.
قاررى ماما:
– يؤرى اوغلوم، اوغور حايـيرلى بولسون؟– ديـيپ سورادى.
مراد:
– اوغـور- دا حايـيرلىدير– ديـيپ، سؤزه باشلادى.– آق بيلك آدلى آتيم باردى، شونى ايكى-اوچ گون موندان اؤنگ شو يرينگ قالتامانلاريندان بير-ايكى سانيسى باريپ، منينگ قاپـيمد
1935

 

بیرنجی صحیفه

تورکمنچه آرشيو