اجو
/ 19 آبان 1386
شاصنم
غريب دستاني
(2ـ
نجي بولوم)
القصه :
ایندی خبری شا صنم دن اشیدینگ . شا صنم : من غریبی ایلدن
چکینیب قوللارینگ آراسیندا قویدیم , غریب مونی کونگلینه
گتیریب , بیردن قاتی گورایماسا یاخشی دیر دییب , ارتیر ایر
بیلن توروب قوللارینگ آراسینا باردی .
گورسه اول یرده غریب یوق , شاصنم قوللارا یوزلنیب : مونگ
طللا بریلیب آلینان حبشی قول هانی ؟ دییب سورادی . قوللار
اونینگ آغشامقی چیقیب گیدیشی , شوندان سونگ ایزینا دولانیب
گلمه دی دیدیلر.
شا صنم ادن ایشینه پشمان بولوب ای اللا جان بو نیچیک احوال
بولدی دییب باختینینگ قارالیغینا زیره نیب ایچینی کپله دیب
آخمر اتدی .
غریب بولسا آغشام چیقیب گیدیشینه اوز اویلرینه انه سینینگ
یانینا باردی اما پیکیرله نیب! چیقیب قایدانینا اوکیندی
.
شا صنم غایغی غاما گیرن دیر دییب هاپا بولدی .
انه سی اونگا کونگلیک بردی قایغینگی اللا آسان اتسین دیدی
.
گونلردن بیر گون غریب
بیر پالچی قارری ماما نینگ یانینا باریب : ماما بیر یاخشی
فال آتیب بر , من آخردا شا صنمه قاووشیب بیلیارین می؟ یاده
قاوشیب بیلمیان می؟ دییب پالچی ماما قاراب بیر غزل آیتدی
گو باق ناما آیتدی :
ماما من یولدان آزاشدیم
--------------- گل منی بیر یولا سالغیل
لیلی دییب حد دن آشدیم -------------- مجنون کبی چوله سالغیل
یار اوچین دینمای یانا من --------------- گاه توتاشیب گاه
سونه من
بیر یکه غریب صونا من ----------------- مرغزارلی گوله سالغیل
سانگا دییریم کونگل داغین ------------ تعیین ات یولینگ
ایراغین
گور ست قیل بیلبیلینگ باغین --------- تر آچیلان گوله سالغیل
گنگیش بر آزاشان قوله ----------------- قوشیلغایمز یاریم
بیله؟
کروانیم گوچیب دیر چوله ---------------- منی بیر منزله
سالغیل
غریب دییر لر آدیمی -------------------- اظهار ایلایین
دادیمی
اشیت منینگ فریادیمی ---------------- منی یار یولینا سالغیل
غریب سوزی تمام ادندن
سونگ قارری ماما فال آتدی فالدا غریبینگ مقصدی بر جای گوریندی
ماما : ای اوغلوم غریب جان سن باریب شا صنمینگ چهار باغینداکی
باغبانا یتیم بولسانگ , باغبان بیله چمن باغلاسانگ اونی
هم شا صنمه ایبرسنگ , شاصنم چمنی تاناب چهار باغا گلیب مقصدینگی
بر جای اتسه گرک دیدی. قارری مامانینگ بو سوزی غریبا معقول
گلدی . غریب شاصنمینگ چهار باغینا گیتمکچی بولدی و انه سیندن
رخصت دیله دی انه سی رخصت برمه دی اوندا غریب انه سینه قاراب
هر نیچیک بولسادا گیتمکچی دیگنی بیان ادیب بیر غزل آیدار
بولدی:
حوش قال ایندی کعبام
انم ----------------- من بو گون گیتمه لی بولدیم
شاعباس خانینگ دردیندن ------------------ باش آلیب گیتمه
لی بولدیم
باش قویوب پیره استادا --------------------- سالسب من اوزیمی
اودا
قوشولوب عاشق فرهادا ------------------- شیرین دییب اوتمالی
بولدیم
گزه بیلمان اوشبو یرده ---------------------- صنم سالدی
یاووز درده
یار یار دییب یاد یرلرده ------------------------ من مسکین
توتمالی بولدیم
دو زمان آیرالیق زهرینه ---------------------- گیده ریم
بغداد شهرینه
گوز یوموب غمینگ بحرینه ------------------- دور اوچین باتمالی
بولدیم
غریب دییر قارینداشیم ---------------------- کویر بولدی
ایچیم داشیم
ایندی یاد ایللره باشیم --------------------- آلیبان گیتمه
لی بولدیم
القصه:
غریبینگ انه سی اونونگ آه زارینی اشیدن سونگ رخصت بریب زار
زار آغلاب بیر غزل آیدار بولدی:
حسن وزیر اولدی سانگا سویندیم ------------ بالام سنی بیر
الله غا تابشیردیم
بیر نیچه گون بویونگ گوریب قواندیم --------------- بالام
سنی بیر الله غا تابشیردیم
بیر یار اوچین خونابالار یودار سن ------------------- ایندی
منی ,گل جمالی نادر سن ؟
یا یولینا باشینگ آلیب گیدر سن ------------------- بالام
سنی بیر الله غا تابشیردیم
گوزومینگ روشنی نوری سن ایدینگ ------------- بهشتیم فردوسیم
حورییم سن ایدینگ
چون باختیم میداریم باریم سن ایدینگ ----------- بالام سنی
بیر الله غا تابشیردیم
ایندی سن گیدر سن اوزاق یول لارا--------------- مرووت اتماین
غملی قل لارا
سوراغ سالسام گرک ایلدن ایللره ---------------- بالام سنی
بیر الله غا تابشیردیم
دوشمان یوزی قارا بولسین آرادا ------------------ بیزی
قویدی بیر توکنمز بلادا
آبادا دییر یته بیلمز مرادا ---------------------------
بالام سنی بیر الله غا تابشیردیم
غریبینگ گل جمال آدلی
بیر عیال دوغانی باردی شول واقت اول هم غریبینگ یانینا باریب
ساچین یایب! یوزین یرتیب! زار زار آغلاب بیر غزل آیتدی:
آرادان بیر سوز گچماین
------------------------- آقا جان قایدا بارار سن؟
مونگ گلدن بیر گل آچماین --------------------- آقا جان
قایدا بارار سن؟
یاخشی یامانیمدان بیلمای -------------------- کفن دونیمی
راست قیلمای
الینگ بیله گوره سالمای ----------------------- آقا جان
قایدا بارار سن؟
باغریم بولدی پارا پارا --------------------------- یوره
گیمه سالدینگ یارا
بیزی ایله دینگ بیچاره -------------------------- آقا جان
قایدا بارار سن؟
من گچدیم ایندی بو جاندان--------------------- ال چکدیم
سودی زیان دان
شو میدیر امیدیم سندن ----------------------- آقا جان قایدا
بارار سن؟
بیر قارری نینگ پندینآلیب ---------------------- گیدر بولدینگ
باشینگ آلیب
بیزی یانار اودا سالیب -------------------------- آقا جان
قایدا بارار سن؟
یاندی یورک باغریم یاندی ---------------------- عمریم باغچه
سی تالاندی
تیریک لیک سنینگ بیلندی -------------------- آقا جان قایدا
بارار سن؟
یورگیم اودا داغلادیب --------------------------- باختیما
قارا باغلادیب
گل جمالی قان آغلادیب ------------------------ آقا جان
قایدا بارار سن؟
القصه غریبینگ انه سی
و دوغانی زار زار آغلاشیب چاره سیز لیکدن غریبا رخصت بردیلر
, غریب صحرا اطرافا یوزله نیب گیدی بردی, اول گیدیبرسین
ایندی بیر ایکی سوز شاه عباس دان اشیدیلینگ .
***********
گونلر دن بیر گون شاه عباس قوشونی بیلن آو , آولاماغینا
چیقدی . شهرینگ بیر طرافیندا بیر بای باردی اونینگ آدینا
منصور بای دییردیلر , اونینگ بیر غیزی باردی آدینا گل نهال
دییردیلر , پادشاه شول گون , گون اورتا وقتلاری هوانی اسسی
گوریب , باریب منصور باینگ حوضینینگ باشیندا دوشدی , شول
وقت گل نهال کنیزی بیلن سراینگ بیر پنجارا سیندان قاراب
دوردی . پادشانینگ گوزی گل نهالا دوشیب مهری گیدیب اونگا
عاشق بولدی . بیر آدامدان بو کیمینگ غیزی ؟ دییب سورادی
. اول منصور باینگ غیزی آدینا گل نهال دییارلر دییب جوغاب
بریلدی.
پادشاه : منصور بای غیزینی مانگا برسین! دییب آدم ایبردی
. منصور بای باران آداما حرمت ادیب : خوش گلیب سیز , یاخشی
گلیب سیز , یونه پادشاه , پادشاه لاردان, غریب غریب لاردان
, خوجا خوجا لاردان , غیز آلار , بیزینگ غیزیمیز پادشاغا
مناسب دالدیر دییب , جوغاب بردی .
پادشاه طرافیندان ایبرلن وکیل اوزینه آیدیلان سوزی پادشاغا
خبر بردی .
پادشاه قهاری گلیب دونینا سیغمان , گوره ین غیزینی کیم آلیار
دییب قاهالانیب , سیاست قیلیب باریب حرم خانه سینا گیردی
.
ارته سی گون حلب دن بیر سوداگر گلدی منصور باینگ حوضینینگ
باشیندا دوشدی , اونینگ آدی ازبر خوجا دی .
بو آدم بیر نیچه گون شول یرده بولدی . گل نهال زیبا دیین
بیر کنیزی باردی , بیر گون گل نهال : ای زیبا باریب سو گتیر
سنگ دیدی . زیبا بولور دییب کویزا یوب داقیب یولا روانه
بولدی . حوضینگ باشینا باراندا سووینگ ایچینده بیر شعله
گوردی . اول یانا بو یانا باقدی گورسه ازبر خوجا نینگ یوزونینگ
شعله سی تورار میش . کنیز کویزانی سو دان دولدیریب گیتمکچی
بولان واقتیندا , اونینگ گوزی ازبر خوجا دوشدی , کنیز اختیار
سیز یقیلدی . کویزه دوویلیب , یوب کویزانینگ ایکی قفلیندا
قالدی .
زیبا هوشی باشیندان گیدیب گل نهالینگ یانینا باردی . گل
نهال : ای زیبا سو گتیردینگ می ؟ دیدی . زیبا سو دییب الینه
قاراسا یوبده کویزانینگ ایکی قولفینا قالیبدیر .
گل نهال : ای زیبا بو ناما نینگ علامتی ؟ نامه واقعه بولدی
؟ دییب سورادی
زیبا : ازبر خوجا نینگ جمالین گوردیم بی اختیار بولیب یقیلدیم
, سونگ نامه بولانینی بیلمه دیم دیدی .
گل نهال اونینگ یالی بولسا بیز هم باریب گورالی دییب زیبا
بیلن حوضینگ باشینا اوغرادی . باریب گورسه لر بیر صاحب جمال
, شیله بیر آوادان آدم . گل نهال عاشقی بیقرار بولدی . قایدیب
اویلرینه گلدیلر . سوزینگ قیسغاسی بیر نیچه غیزلار ازبر
خوجا نینگ آرزو سیندا بولدیلار .
القصه , اولی کیچی یغنانیب منصور باینگ اوینه باریب غیزینگی
از بر خوجا برسنگ ناحیلی بولار دیدیلر . اوندا منصور بای
غیزیمدان خبر آلینگ اگر راضی بولسا من قارشی دال دیدی .
باریب گل نهال دان خبر آلدیلار . گل نهال اوز راضی لیغینی
بیلدیردی . سوزینگ قیسغاسی گل نهالی ازبر خوجا نکاح لاب
بردیلر . سونگ بو سوز شاه عباسینگ قولاغینا دگدی پادشا قهاری
گلدی اما بیرینینگ نکاح لی عیالینی گویچ بیلن آلا بولماز
دیدی . شول وقتدا بیر عیار حیله گر باردی . آدینا تایماز
دییر دیلر . اول : ای پادشاهیم قایغی چکمانگ , یدی گونده
حضورینگیزا گتیرر من دیدی . پادشا رخصت بردی .
عیار الینه بیر تایاق آلیب یولا دوشدی ازبر خوجا نینگ ایشیگینه
باریب بیر گون دوردی . ارته سی ینه گلیب دوردی . ازبر خوجه
سن ناحیلی آدم دییب سورادی . عیار : من حلب آدمی دیم بیر
سبب بیلن بو شهره دوشدیم سیزی هم حلب لی دییب اشیتدیم .
هر وقت گیتسنگیز منی هم آلیب گیدینگ . دیدی . اوندا ازبر
خوجا :اوران یاخشی سن اوندا دویه لره باقیبر دییب تابشیردی
. بیر تایخانینگ قاوینی باردی تایماز بیر گون دویه لری شول
قاوینا سالدی اوزی هم دفا چیقیب لوتوردی . قاوین ایه سی
گلیب دویه لری قاودی و الینداکی تایاق بیلن تایمازی دا یاخشی
جا ووردی . تایماز یوزی گوزی قان بولدی . داد ادیب ازر خوجا
نینگ یانینا باردی . سنینگ خوجه بولانینگ قوریسین . دویه
لرینگی یولدان گچیرمه دیلر . منی هم اوردیلار دیدی . ازبر
خوجا باشینی آشاق سالیب : منینگ اوز یووردیم بولسا مونینگ
یالی اتمز دیلر . منی غایری گوریار لر. هر کمینگ اوز اولکه
سی یاغشی اکنی دیدی . ازبر خوجا اولکه سینا قایتماق اوچین
منصور بای دان رخصت دیله دی , اول هم رخصت بردی .
از بر خوجا تایمازا حلبه گیدالی . یولی تاپارمی سینگ دیدی
. تایماز : ای خوجا خلق گوندیز تاپسا من گیجه تاپارین دیدی
. سونگ یوکلری یوکلاب آقجا گل نهالی دویه میندیریب یولا
اوغرادیلار . بیر گیجه دانگ آتییانچا یول یوریدیلر . سونگ
بیر چهار باغا یتدیلر . از بر خوجا حلبینگ یولیندا مونینگ
یالی چهار باغ گورمزدیم دیدی. تایماز : یولدان آزاشیبدیرین
سیز شو یرده دورینگ من خبر آلیب گوره ین دییب , شا عباسینگ
یانینا باردی . ای پادشاهیم خذمتی بیتیردیم . آقجا گل نهال
فلان یرده دیدی . پادشاه اوزینه بیر ناچه یاقین آداملارینی
اتلاندیریب ایبردی . اونلار نایزالارینی یاتیریب ازبر خوجا
نینگ اوستونه آت سالدیلار . ازبر خوجه بولاری گوریب قورقدی
. گل نهالی تاشلاب اوزی بیر مایا مونیب قاچدی . گل نهالی
شا عباسینگ یانینا گتیردیلر . گل نهال شا عباسی گوریب :
ای پادشاهیم قیامت لیق آتام بول دییب اغلادی . شا عباس باشینی
آشاق سالیب اوتوردی . خدای کونگلینه رحم سالدی . گل نهالینگ
سوزونی قبول ادیب اوز غیزیم بیردی , ایندی ایکی بولدی بارینگ
مونی شاصنمینگ یانینا قوینگ دیدی . گل نهالی شا صنمینگ یانینا
التیب قویدیلار .
ایندی بولسا سوزی غریب دان اشیدینگ , غریب صحرا طراف یوزلنیب
گیدیبدی . بیر نیچه منزل یول یوریب شا صنمینگ چهار باغینا
یتیشدی , غریب چهارباغینگ دروازه سینا آرقا بریب اوتیردی
, اما شا صنمینگ خبرینی آلا بیلمه دی , ای الله من ناحیلی
شا صنم جانا عرض حالیمی آیداین ؟ من بیر گولگون یاغلیق بولسام
دیم , شاصنم الینه آلاردی , یا بیر کرمانی شال بولسام دیم
شاصنم باشینا اوراردی , دییب بیر غزل آیتدی باق نامه دیدی
:
آلا گوزلی شا صنمینگ
---------------------- غریب دوشدی ایللرینه
بیر مسگینی آلدامیشلار -------------------- یانیب بیشدیک
اللرینه
من بیر صونالی کول بولسام ----------------- یا بیر جرنلی
چول بولسام
یا بیر شیدا بلبل بولسام --------------------- قونسام یارینگ
گل لرینه
اللهیم دان ساغلیق آلسام ------------------ گزل شاهدان
بگ لیک آلسام
من بیر گولگون یاغلیق بولسام -------------- صنم آلسا اللرینه
یارینگ قددینا دال بولسام ------------------- یوزونه قوشا
خال بولسام
یا بیر کرمانی شال بولسام ------------------ صنم چالسا
بیللرینه
عاشق غریب مسکن ایلار ------------------- گوزده یاشین تسکین
ایلار
بیزی موندا مسکین ایلار -------------------- صنم گیتسا
ایل لرینه
غریب بو سوزی آیدیب
دروازانینگ آغزینا اوغرادی . باغبان چیقیب بیر حوسسار سیز
یگیدینگ قایغیلی اوتورانینی گوردی . اول غریبینگ یانینا
گلیب : ای یگیت هایسی باغینگ گولی سن , هایسی چمنینگ بلبلی
سن , هایسی آشیان دان پرواز ایلاب بو یرلره گلیب سن ؟ هایسی
یانا بارار سن ؟ دییب سورادی . غریب : من شیله دن گلیارین!
بو یرلرده اوغول لیق ساقلاجاق آدم یوق موقا ؟ من اوغول سیزه
اوغول بولجاق , دیدی . باغبان : ای اوغلیم! بیله بولسا سن
مانگا اوغول بولای دیدی
***************
بولار آتا اوغول بولدیلار. باغبان غریبی اوز اوینه آلیپ
گلدی! غریب باغبانا اغول لیق بولوپ ، اوبانینگ سیقرلارنی
باقاردی ، گونلرده بیرگون غریب اویه گلدی.
شول گون باغبان اویده یوقدی، غریب انه سینا قاراب : ای انه
، آتام نیراک گیتدی؟ دیییپ سورادی.
انه سی: اوغلیم، ایندی بهار بولدی ، نوروز گل لری آچیلیب
دیر! آتانگ شاصنمه چمن باغلاب التیر دیدی ،
غریب: آتامینگ یانینا من دا بارسام ، مانگا هم گل برسادی!
دیدی انه لیگی : اوغلیم ، آتانگ سانگا دا ,گل برر دیییپ
، غریبی باغبانینگ یانینا آلیپ باردی : غریبا دا گل برینگ
دیدی .
باغبان مامانینگ سوزونی قبول ادیب , غریبا هم گل بردی .
ارتیری ایر بیلن غریب ینه چهار باغا باردی . گل لر اچیلیب
دیر بیر بولاک گلینگ اراسیندا اوتیریب گل لردن الیب بیر
چمنی زینت بیلن باغلادی اونی شول یردا قویوب اوزی باغدان
چیقیب گیتدی . شول وقتدا باغبان گلیب : بو گون غفلت باسیب
گیچ قالدیم دییب چمن باغلاماغا مشغول بولدی .
غریبینگ چمن باغلان یرینه باردی , باغبانینگ گوزی غریبینگ
باغلان چمنینه دوشدی , گورسه اوزونینگ باغلان چمن لریندن
هم آوادان اکن , باغبان چمن لرینی یغیب اولارینگ اراسنا
غریبینگ باغلان چمنینی هم غوشوب شاه صنمینگ حضورنا الیب
باردی .
شا صنم باغبانینگ چمن لرینی گوزدن گچیردی , گورسا بیر سانی
چمن اوران اونگات باغلانیب دیر , شاصنم : ای باغبان دوغرینگی
ایت , بو چمنی کیم باغلادی ؟ دییب غریبینگ باغلان چمنینی
الینه الیب باغبانا یاقین لاشیب ملایم لیق بیلن سورادی .
باغبان : ای سلطان اشیدر بولسانگ من بیر یتیم اوغلان ساقلاب
یورون , اول چمنی شول باغلادی دیدی . شا صنم : همیشه شونونگ
یالی چمن باغلاغیل دییب خوش آمدلی سوزلر بیلن باغبانا گولوب
باقدی .
باغبان اوزونه ادیلن خوش آمده یالنگیش دوشینیب , شاصنم مانگا
عاشق بولان اکنی دییب , شیله بیر امید بیلن شاصنمه قاراب
بیر غرل آیتدی :
من سویمیشام زیبا صنم
آدینگی --------------- سویسام اولدورارلر سویمه سم اولام
ایله مشهور بولان اصیل ذاتنگی--------------- دیسام اولدورارلر
,دیمه سم اولام
قربان اولام یارینگ قدی بوینا--------------- خوشوقت اولام
اونونگ ایلان توینا
هر دم خلوت ایلاب بارسام اوینه--------------- بارسام اولدورارلر,
بارماسام اولام
ناز غمزانگ یانار خمار گوزونگدن--------------- قربان اولام
شهدی شکر سوزونگد
گاهی یانگاغییندان گاهی یوزونگدن--------------- اوپسام
اولدورارلر, اوپمه سم اولام
من سنی سویمیشام جان بیلن دیلدن--------------- سن منی سویماگه
قورقار سن ایلدن
خاطایی بارماقدان حینالی قولدان--------------- توتسام اولدورارلر,
توتماسام اولام
بیر خلوتده توتسام یارینگ قولونی--------------- قوجاقلاسام
اونینگ اینچه بیلینی
آغزیمه سالسبان شیرین دیلینی--------------- سورسام اولدورارلر,
سورماسام اولا
من طواف ادر من آیاق توزلارینگ--------------- تعریفین ادر
من شیدا قیزلارینگ
قایماق دوداقلارینگ بال آغیزلارینگ--------------- امسم
اولدورارلر , اممه سم اولام
گلینگ قولاق سالینگ یارینگ اوینینه--------------- طلا هیکل
داقینیب دیر بوینینا
قوجه باغبان, شاصنمینگ قوینینا--------------- گیرسم اولدورارلر
, گیرمه سم اولا
شاصنم باغبان دان بو
سوزلری اشیدن سونگ قهار لانیب : ای باغبان , آغزینگی یغنا
, هر کیم اوز حددینی بیلسه یاخشی ! دییب غضب بیلن قارادی
, باغبان توریب بدر گیتدی , اوینه باریب غریبا: شاصنم سنینگ
باغلان چمنینگی قاووی گوردی . سن ینه چمن باغلاغیل ! دیدی
. غریب باغبان بیلن ینه باغا باریب , چمن باغلاب اونونگ
ایچینه بیر غزلینی گیزلین قیلیب قویدی , باغبان اونی التیب
شاصنمه بردی . شا صنم گولونگ آراسیندا بیر خط گوردی , اول
غریبینگ یازان غزالی دی! آلیب اوقیدی شیله یازیب دیر:
قولاق سالیب اشیت منینگ
عرضیمی--------------- گون به گوندن بتر بولدیم دردینگدن
نالار چکدیم فراقینگدا هجرینگی--------------- قانلار آغلاب
, اوتر بولدیم دردینگدن
بیلمن مقصودیما هاچان یتر من --------------- بو درد ایله
! باشیم آلیب گیدر من
محنت لی باغبانا خذمت ادر من--------------- اوزگه وطن توتار
بولدیم دردینگدن
غریبلیقدا سن گلمه دینگ قاشیما--------------- رحم اتمه
دینگ گوزدن آقان یاشیما
اجل یاسیقینی قویوب باشیما--------------- یار یار دییب
, اوتر بولدیم دردینگدن
چمن باغلاب ,نامه یازیب گوندردیم--------------- سن دییب
اوزگه دن یوزوم دوندردیم
دولت چراغینی آغلاب سوندردیم--------------- بیگانه لیق
ادر بولدیم دردینگدن
غریب آیدار "کل" قویوب من آدیمی---------------
بو وطندا کیشی بیلمز ذاتیمی
سندن اوزگه کیمه آیدای دادیمی--------------- سانگا دادیم
آیدار بولدیم دردینگد ن
بو سوزدن سونگ شاصنم
بی طاقت بولیب اوز حالینا آه چکیب گوزیندا یاش , کونگوندا
یار داغی , قولوندا دسمالی گوز یاشینی سوبریب , یورگینی
پاره پاره قیلیب , آه اوریب , زار زار آغلاب بیر غزل آیتدی
:
بهار بولدی گل آچیلدی---------------
منینگ گلم آچیلماز می؟
بلبلینگ قانی ساچیلدی--------------- منینگ قانیم ساچیلماز
می؟
خبریم یوق بهار اولدی--------------- چمن لر لاله زار اولدی؟
غریبیم دن خبر گلدی --------------- کرم یول لار آچیلماز
می ؟
دولتلی دن دولت گیتدی--------------- نوبت رقیبلارا یتدی
ساقی اجل میین توتدی --------------- کفن دونیم بیچیلمز
می؟
شاد یورگین یول لار قالدی--------------- گل دگره سین زاغلار
آلدی
عاشق یاریم غیری بولدی--------------- ینه شراب ایچیلمز
می ؟
شاصنم دییر , عمریم گلی --------------- منینگ گلیم آچیلماز
می؟
بو سوزدن سونگ آقجا
بهار گل گلدی گورسه شاصنمینگ گوزیندا یاش , باغریندا داش
, داد ادیب ائتیر , بهار گل : ای شاصنم , سانگا نامه بولدی
, حالینگ نیچیک ؟ دیدی شا صنم بیقرار بولیب ینه بیر غزل
آتدی :
آقجا سانگا سیری حالیم
دیاین --------------- یارینگ گلی گلدی اوزی گلمه دی
باشیمدان گچانین بیان ایلاین--------------- یارینگ گلی
گلدی اوزی گلمه دی
شوم رقیبلار بیزی یار دان آیرمیش--------------- فلک عشرتیمینگ
نهالین قیرمیش
منینگ یاریم تنگری کیمه بویورمیش --------------- یارینگ
گلی گلدی اوزی گلمه دی
سیاه زولفلاریم پاره چکمیش --------------- سینام اوزی چفرز
یارا چکلمیش
سبب نه دیر باختی قارا چکلمیش --------------- یارینگ گلی
گلدی اوزی گلمه دی
سیاه زولفیم پاره پاره بولیبدیر --------------- تیل تیل
بولوب دارا درار بولوب دیر
سبب نه دیر باختیم قارا بولوب دیر --------------- یارینگ
گلی گلدی اوزی گلمه دی
منینگ یاریم حسن وزیر اوغلی دیر--------------- محبتی بیر
اقرارا باغلی دیر
آتامینگ الیندن سینام داغلی دیر--------------- یارینگ گلی
گلدی اوزی گلمه دی
قهبه فلک منی قیلدی بیگانا--------------- اوزی گلمای ,
گلی گلدی غایبانا
منینگ اوچین یتیم بولمیش باغبانا--------------- یارینگ
گلی گلدی اوزی گلمه دی
عاشق بیلن معشوق ایشی بیر گرگ--------------- وعده سی, وفا
سی, قولی بیر گرگ
حویری جنت خلقی, حسنی بیر گرگ--------------- یارینگ گلی
گلدی اوزی گلمه دی
شاصنم غیز دیرلر منینگ آدیما --------------- بیر آه اورسم,
عالم یانار اودوما
یارادان ذوالجلال یتیش دادیما --------------- یارینگ گلی
گلدی اوزی گلمه دی
القصه : بوسوزدن سونگ
شاصنم باغبانی چاغیریب : ای باغبان , باغی آراسسا قیلغیل
, من ارتی ایر بیلن باغ سیلینا گلر من دیدی . باغبان باغی
آراسسا لاب , اونونگ اطرافینی کسه کی آداملارا قدغن اتدی
چشمه
سي:تهران تورکمن لرينگ سايتي
